ಚಿಕ್ಕಬಳ್ಳಾಪುರ: ನಂದಿ ಹಿಲ್ಸ್ ತಪ್ಪಲಿನಲ್ಲಿ ಸೂಪರ್ ಟ್ರೇನರ್ ಇನ್ಸ್ಟಿಟ್ಯೂಟ್!

ಚಿಕ್ಕಬಳ್ಳಾಪುರ, ಆಗಸ್ಟ್​ 21: ವಿಶ್ವ ಪ್ರಸಿದ್ಧ ಪ್ರವಾಸಿ ತಾಣ ಪ್ರಕೃತಿಯ ಸೊಬಗಿನ ಬೀಡು ಎಂದೇ ಖ್ಯಾತಿಯಾಗಿರುವ ಚಿಕ್ಕಬಳ್ಳಾಫುರ ತಾಲೂಕಿನ ನಂದಿಗಿರಿಧಾಮದ (Nandi Hills) ತಪ್ಪಲಿನಲ್ಲಿ ದೇಶದಲ್ಲೇ ಪ್ರಥಮವಾದ ವಿಶ್ವೇಶ್ವರಯ್ಯ ಇಂಟರ್ ನ್ಯಾಷನಲ್ ಇನ್ಸಿಟಿಟ್ಯೂಟ್ ಫಾರ್ ಸೂಪರ್ ಟ್ರೈನರ್ಸ್​​ ಎನ್ನುವ ಸಂಸ್ಥೆಯೊಂದು ತಲೆಯೆತ್ತಿದೆ. ಸರ್ಕಾರಿ ಹಾಗೂ ಖಾಸಗಿ ಸಹಭಾಗಿತ್ವದಲ್ಲಿ ಮಾಸ್ಟರ್ಸ್ ಟ್ರೈನರ್ಸ್​​ ಸಂಸ್ಥೆ ತಲೆಯೆತ್ತಿದೆ.

ಸೂಪರ್ ಟ್ರೇನರ್ ಇನ್ಸ್ಟಿಟ್ಯೂಟ್ ಅಂದರೆ ಏನು?

ವೃತ್ತಿನಿರತ, ವೃತ್ತಿಪರ ಆಯ್ದ ಪ್ರತಿಭಾವಂತ ಕುಶಲಕರ್ಮಿಗಳನ್ನು ಅಗತ್ಯಕ್ಕೆ ತಕ್ಕಂತೆ ತರಬೇತಿ ನೀಡಿ ಅವರಿಂದ ತಳಹಂತದಲ್ಲಿ ತರಬೇತಿ ಕೊಡಿಸಲು ವೃತ್ತಿಪರ ಪ್ರತಿಭಾವಂತ ಕುಶಲಕರ್ಮಿಗಳ ಕೊರತೆಯಿದೆ. ಇದರಿಂದ ದೇಶದಲ್ಲೇ ಮೊದಲ ಬಾರಿಗೆ ವಿಶ್ವೇಶ್ವರಯ್ಯ ಇಂಟರ್ ನ್ಯಾಷನಲ್ ಇನ್ಸಿಟಿಟ್ಯೂಟ್ ಫಾರ್ ಸೂಪರ್ ಟ್ರೈನರ್ಸ್​ ಸಂಸ್ಥೆ ಹುಟ್ಟುಹಾಕಲಾಗಿದೆ.

ಇದನ್ನೂ ಓದಿ: ಇಂದೇ ನಂಜನಗೂಡಿನ ಶ್ರೀಕಂಠೇಶ್ವರ ದೇಗುಲದ ಮುಂಭಾಗ ಬಂದಿಳಿದ ಚಂದ್ರಯಾನ ಉಪಗ್ರಹ! ಭಲೇ ವಿದ್ಯಾರ್ಥಿಗಳೇ!

ಫ್ಲಂಬಿಂಗ್, ಎಲೆಕ್ಟ್ರಿಕಲ್, ಕಾಂಕ್ರೀಟ್ ತಂತ್ರಜ್ಞಾನ ಏರೋಸ್ಪೇಸ್ ತಂತ್ರಜ್ಞಾನ ಮೊಬೈಲ್ ತಂತ್ರಜ್ಞಾನ, ಸೇರಿದಂತೆ ಮುಂದುವರೆದ ಮತ್ತು ಅನಿವಾರ್ಯತೆಯಿರುವ ಕೋರ್ಸ್​ಗಳ ತರಬೇತಿ ನೀಡುವುದು.
ಮಾಜಿ ಮುಖ್ಯಮಂತ್ರಿ ವೀರಪ್ಪಮೊಯ್ಲಿ ಅವರ ಕನಸಿನ ಕೂಸು ಆಗಿತ್ತು. ಮಾಜಿ ಮುಖ್ಯಮಂತ್ರಿ ವೀರಪ್ಪಮೊಯ್ಲಿ ಕೇಂದ್ರ ಸರ್ಕಾರದಲ್ಲಿ ಪೆಟ್ರೋಲಿಯಂ ಹಾಗೂ ರಾಸಾಯನಿಕ ಖಾತೆ ಸಚಿವರಾಗಿದ್ದಾಗ ಇಂಥದೊಂದು ಕನಸು ಕಂಡಿದ್ದು ಖ್ಯಾತ ನಾಮ ಎಂಎನ್‌ಸಿ ಕಂಪೆನಿಗಳ ಬೇಡಿಕೆಗಳಿಗನುಗುಣವಾಗಿ ಸಂಸ್ಥೆಯನ್ನು ಹುಟ್ಟುಹಾಕಿದ್ದಾರೆ.

ಇದನ್ನೂ ಓದಿ: ಚಿಕ್ಕಬಳ್ಳಾಪುರದಲ್ಲಿ ನಾಗಾರಾಧನೆ ವಿಶೇಷ ಪೂಜೆ: ಈಶಾ ಫೌಂಡೇಷನ್​ನತ್ತ ಭಕ್ತ ಸಾಗರ

ಸಂಸ್ಥೆಗೆ ಅಂದಿನ ಕೇಂದ್ರ ಸರ್ಕಾರ ಅನುಮೋದನೆ ನೀಡಿದೆ. ಇದರಿಂದ 14 ಕೋಟಿ ರೂಪಾಯಿಗಳ ವೆಚ್ಚದಲ್ಲಿ ನಂದಿ ಗಿರಿಧಾಮದ ಬುಡದಲ್ಲಿ ಸಂಸ್ಥೆ ನಿರ್ಮಾಣ ಕಾಮಗಾರಿ ಪ್ರಗತಿಯಲ್ಲಿದೆ.

ವೀರಪ್ಪ ಮೊಯ್ಲಿ ಭೇಟಿ ನೀಡಿ ವೀಕ್ಷಣೆ

ಚಿಕ್ಕಬಳ್ಳಾಫುರ ಲೋಕಸಭೆ ಚುನಾವಣೆ ಮೇಲೆ ಕಣ್ನಿಟ್ಟಿರುವ ಮಾಜಿ ಮುಖ್ಯಮಂತ್ರಿ ಡಾ. ಎಂ.ವೀರಪ್ಪಮೊಯ್ಲಿ ತಮ್ಮ ಅವಧಿಯಲ್ಲಿ ಶಂಕುಸ್ಥಾಪನೆ ಮಾಡಿದ್ದ ದಿನಕ್ಕೊಂದು ಕಾಮಗಾರಿಯನ್ನು ವೀಕ್ಷಣೆ ಮಾಡುತ್ತಿದ್ದಾರೆ. ಇದೇ ರೀತಿ ವಿಶ್ವೇಶ್ವರಯ್ಯ ಇಂಟರ್ ನ್ಯಾಷನಲ್ ಇನ್ಸಿಟಿಟ್ಯೂಟ್ ಫಾರ್ ಸೂಪರ್ ಟ್ರೈನರ್ಸ್​​ ಸಂಸ್ಥೆಯ ಕಾಮಗಾರಿ ಸ್ಥಳಕ್ಕೆ ಭೇಟಿ ನೀಡಿ ಸಂಸ್ಥೆಯ ಆಡಳಿತಾಧಿಕಾರಿಗಳು ಹಾಗೂ ಅಧಿಕಾರಿಗಳ ಜೊತೆ ಮಾಹಿತಿ ಪಡೆದು ಕಾಮಗಾರಿ ಶೀಘ್ರ ಮುಗಿಸಿ ತರಬೇತಿಗಳನ್ನು ಆರಂಭಿಸುವಂತೆ ಮನವಿ ಮಾಡಿದರು.

ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.