Sprouted  Methi Seeds: ಮೊಳಕೆಯೊಡೆದ ಮೆಂತ್ಯ ಬೀಜಗಳನ್ನು ಬಳಸಿದರೆ ಅದೆಷ್ಟೋ ಕಾಯಿಲೆಗಳು ಗುಣವಾಗುತ್ತವೆ!

ಮೆಂತ್ಯವನ್ನು ಹೀಗೆ ಸೇವಿಸಿದರೆ ಜೀವನದಲ್ಲಿ ಸಕ್ಕರೆ ಕಾಯಿಲೆ ಹತ್ತಿರ ಬರುವುದಿಲ್ಲ. ಇಷ್ಟಕ್ಕೂ ಮಧುಮೇಹ ಎಂಬುದು ನೀವು ಅಂದುಕೊಂಡಂತೆ ಅಲ್ಲ.. ನಮ್ಮ ದೇಶವನ್ನಷ್ಟೇ ಅಲ್ಲ ಇಡೀ ವಿಶ್ವವನ್ನೇ ಬೆಚ್ಚಿಬೀಳಿಸುವ ಭಯ ಆವರಿಸಿಬಿಟ್ಟಿದೆ ಈ ಕಾಯಿಲೆಯಿಂದ.. ಇನ್ನು ಮೆಂತ್ಯ ಬೀಜಗಳು ಅಡುಗೆಯಲ್ಲಿ ಬಳಸಲಾಗುವ ಒಂದೊಳ್ಳೆ ಅಡುಗೆ ಮಸಾಲೆಯಾಗಿದೆ. ಮೆಂತ್ಯದ ಸಣ್ಣ ಬೀಜಗಳು ಅನೇಕ ಆರೋಗ್ಯ ಪ್ರಯೋಜನಗಳನ್ನು ಹೊಂದಿರುವ, ಔಷಧೀಯ ಗುಣಗಳನ್ನು ಹೊಂದಿವೆ. ಮೆಂತ್ಯ ಬೀಜಗಳ ಸೇವನೆಯು ರಕ್ತದಲ್ಲಿನ ಸಕ್ಕರೆಯನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ ಎಂದು ಅನೇಕ ಅಧ್ಯಯನಗಳು ತೋರಿಸಿವೆ. ಟೈಪ್-2 ಡಯಾಬಿಟಿಸ್ ರೋಗಿಗಳಿಗೆ ಮೆಂತ್ಯ ಬೀಜಗಳ ಸೇವನೆಯು ತುಂಬಾ ಪರಿಣಾಮಕಾರಿಯಾಗಿದೆ. ನ್ಯಾಷನಲ್ ಲೈಬ್ರರಿ ಆಫ್ ಮೆಡಿಸಿನ್, ಇಂಟರ್ನ್ಯಾಷನಲ್ ಜರ್ನಲ್ ಫಾರ್ ವಿಟಮಿನ್ ಮತ್ತು ನ್ಯೂಟ್ರಿಷನ್ ರಿಸರ್ಚ್ ಪ್ರಕಟಿಸಿದ 2015 ರ ಅಧ್ಯಯನದ ಪ್ರಕಾರ, ಬಿಸಿ ನೀರಿನಲ್ಲಿ ನೆನೆಸಿದ ಮೆಂತ್ಯವನ್ನು ಸೇವಿಸುವುದರಿಂದ ಸಕ್ಕರೆಯನ್ನು ಸುಲಭವಾಗಿ ನಿಯಂತ್ರಿಸಲು ಸಹಾಯ ವಾಗುತ್ತದೆ.

10 ಗ್ರಾಂ ಮೆಂತ್ಯವನ್ನು ನೀರಿನಲ್ಲಿ ನೆನೆಸಿಟ್ಟರೆ ಟೈಪ್-2 ಮಧುಮೇಹವನ್ನು ನಿಯಂತ್ರಿಸಬಹುದು. ಮಧುಮೇಹ ರೋಗಿಗಳಿಗೆ ಮೆಂತ್ಯ ಬೀಜಗಳನ್ನು ಬಳಸಲು ಆಹಾರ ತಜ್ಞರು ಇತ್ತೀಚೆಗೆ Instagram ನಲ್ಲಿ ಮೂರು ಸುಲಭ ಮಾರ್ಗಗಳನ್ನು ಹಂಚಿಕೊಂಡಿದ್ದಾರೆ. ಈ ವಿಧಾನಗಳನ್ನು ಅನುಸರಿಸುವ ಮೂಲಕ ಯಾವುದೇ ವ್ಯಕ್ತಿಯು ತನ್ನ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಿಸಬಹುದು.

ಮೆಂತ್ಯ ಬೀಜಗಳನ್ನು ಬಳಸುವ ಮೊದಲ ವಿಧಾನ – ಮಧುಮೇಹಿಗಳಲ್ಲಿ ಮೆಂತ್ಯ ಬೀಜಗಳನ್ನು ಬಳಸುವುದು ಹೇಗೆಂದರೆ ಒಂದು ಚಮಚ ಮೆಂತ್ಯ ಬೀಜಗಳನ್ನು ತೆಗೆದುಕೊಂಡು ರಾತ್ರಿಯಿಡೀ ಒಂದು ಲೋಟ ನೀರಿನಲ್ಲಿ ನೆನೆಸಿಡಿ. ಮರುದಿನ ಬೆಳಿಗ್ಗೆ ಈ ನೀರನ್ನು ಕುದಿಸಿ ಕುಡಿಯಿರಿ. ಈ ನೆನೆಸಿದ ಮೆಂತ್ಯ ಬೀಜಗಳನ್ನು ನೀವು ತಿನ್ನಬಹುದಾದರೆ, ಅವುಗಳನ್ನು ನೇರವಾಗಿ ನುಂಗಿ. ಇನ್ಸುಲಿನ್ ಪ್ರತಿರೋಧ, ಪಿಸಿಓಎಸ್, ಮಧುಮೇಹ ಇರುವವರಿಗೆ ಈ ಬೀಜಗಳನ್ನು ಸೇವಿಸುವುದು ಪ್ರಯೋಜನಕಾರಿ. ಮಧುಮೇಹಿಗಳು ಪ್ರತಿದಿನ ಬೆಳಿಗ್ಗೆ ಈ ಬೀಜಗಳನ್ನು ಹೀಗೆ ತಿನ್ನಬಹುದು.

ಮೆಂತ್ಯ ಬೀಜಗಳನ್ನು ಬಳಸುವ ಇನ್ನೊಂದು ವಿಧಾನ – ಮೆಂತ್ಯ ಬೀಜಗಳನ್ನು ಬಳಸುವ ಇನ್ನೊಂದು ವಿಧಾನವೆಂದರೆ ಮೊಳಕೆಯೊಡೆದ ಬೀಜಗಳನ್ನು ತಿನ್ನುವುದು. ತಜ್ಞರ ಪ್ರಕಾರ.. ನೀವು ಮೊಳಕೆಯೊಡೆದ ಮೆಂತ್ಯ ಬೀಜಗಳನ್ನು ತಿನ್ನಬಹುದು. ನೀವು ಈ ಮೊಳಕೆಯೊಡೆದ ಬೀಜಗಳನ್ನು ಪರಾಟಾ, ಸ್ಯಾಂಡ್‌ವಿಚ್‌, ಸಲಾಡ್‌ಗಳ ರೂಪದಲ್ಲಿ ಸೇವಿಸಬಹುದು.

ಮೆಂತ್ಯ ಬೀಜಗಳನ್ನು ಬಳಸುವ ಮೂರನೇ ವಿಧಾನ – ನೀವು ಒಣ ರೂಪದಲ್ಲಿ ಮೆಂತ್ಯ ಬೀಜಗಳನ್ನು ಸೇವಿಸಬಹುದು. ಮೆಂತ್ಯ ಬೀಜಗಳನ್ನು ಪುಡಿಯಾಗಿ ಮಾಡಿಕೊಂಡು ಮಿಶ್ರಣ ಮಾಡಿ. ಪ್ರತಿದಿನ ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ 1 ಚಮಚದಷ್ಟು ಈ ಪುಡಿಯನ್ನು ಸೇವಿಸಿದರೆ ಮಧುಮೇಹ ನಿಯಂತ್ರಣದಲ್ಲಿಡಬಹುದು.

ಮೆಂತ್ಯದ ಪ್ರಯೋಜನಗಳು – ಮೆಂತ್ಯವು ಮುಂಗಾರು ಮತ್ತು ಚಳಿಗಾಲದಲ್ಲಿ ಲಭ್ಯವಿರುವ ಹಸಿರು ತರಕಾರಿಗಳಲ್ಲಿ ಒಂದಾಗಿದೆ. ಮೆಂತ್ಯ ಎಲೆಗಳನ್ನು ಸೇವಿಸುವುದರಿಂದ ಕೊಲೆಸ್ಟ್ರಾಲ್ ಅನ್ನು ನಿಯಂತ್ರಣದಲ್ಲಿಟ್ಟು ಹೃದಯವನ್ನು ಆರೋಗ್ಯವಾಗಿಡುತ್ತದೆ. ಪುರುಷ ಬಂಜೆತನವನ್ನು ತೊಡೆದುಹಾಕಲು ಈ ತರಕಾರಿ ತುಂಬಾ ಪರಿಣಾಮಕಾರಿಯಾಗಿದೆ. ಇದು ತೂಕವನ್ನು ನಿಯಂತ್ರಿಸುತ್ತದೆ. ಮೆಂತ್ಯವು ದೇಹದಲ್ಲಿನ ಉರಿಯೂತವನ್ನು ಕಡಿಮೆ ಮಾಡುತ್ತದೆ. ಇದು ಕೆಮ್ಮು, ಬಾವು, ಬ್ರಾಂಕೈಟಿಸ್, ಎಸ್ಜಿಮಾದಿಂದ ಉಪಶಮನ ನೀಡುತ್ತದೆ.

ಪೋಷಕಾಂಶಗಳ ನಿಧಿ – ಮೆಂತ್ಯವು ಮಧುಮೇಹಿಗಳಿಗೆ ತುಂಬಾ ಪ್ರಯೋಜನಕಾರಿಯಾಗಿದೆ. ಏಕೆಂದರೆ ಇದರಲ್ಲಿ ಕಬ್ಬಿಣ, ಮೆಗ್ನೀಸಿಯಮ್, ತಾಮ್ರ, ವಿಟಮಿನ್ ಬಿ 6, ಪ್ರೋಟೀನ್ ಮತ್ತು ಆಂಟಿಆಕ್ಸಿಡೆಂಟ್‌ಗಳು ರಕ್ತದಲ್ಲಿನ ಸಕ್ಕರೆಯನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಜೊತೆಗೆ, ಇದು ಕಾರ್ಬೋಹೈಡ್ರೇಟ್ಗಳನ್ನು ಹೀರಿಕೊಳ್ಳುವ ಕರಗುವ ಫೈಬರ್ ಅನ್ನು ಹೊಂದಿರುತ್ತದೆ. ಇದು ರಕ್ತದಲ್ಲಿನ ಸಕ್ಕರೆಯನ್ನು ನಿಯಂತ್ರಣದಲ್ಲಿಡುತ್ತದೆ.

ತೂಕವನ್ನು ನಿಯಂತ್ರಿಸುತ್ತದೆ – ಅಧಿಕ ತೂಕ ಹೊಂದಿರುವ ಜನರು ಅಧಿಕ ರಕ್ತದ ಸಕ್ಕರೆಯೊಂದಿಗೆ ಸಮಸ್ಯೆಗಳನ್ನು ಹೊಂದಿರುತ್ತಾರೆ ಎಂದು ಹೇಳಲಾಗುತ್ತದೆ. ಮೆಂತ್ಯವು ಬೊಜ್ಜು ನಿಯಂತ್ರಣಕ್ಕೆ ಸಹಾಯ ಮಾಡುತ್ತದೆ. ಮೆಂತ್ಯದಲ್ಲಿ ನಾರಿನಂಶ ಅಧಿಕವಾಗಿದೆ. ಇದರಿಂದ ಹೊಟ್ಟೆಯಲ್ಲಿ ತುಂಬಾ ಹೊತ್ತು ತುಂಬಿರುತ್ತದೆ. ಅನಾರೋಗ್ಯಕರ, ಮಸಾಲೆಯುಕ್ತ ಅಥವಾ ಜಂಕ್ ಫುಡ್ ತಿನ್ನುವ ಬಯಕೆ ಬರುವುದಿಲ್ಲ. ಮೆಂತ್ಯ ನೀರನ್ನು ಕುಡಿಯುವುದರಿಂದ ತೂಕವನ್ನು ಕಳೆದುಕೊಳ್ಳಬಹುದು ಎಂದು ಹಲವರು ಹೇಳುತ್ತಾರೆ.

(ಗಮನಿಸಿ: ಈ ವಿಷಯಗಳು ಮಾಹಿತಿ ಉದ್ದೇಶಕ್ಕಾಗಿ ಮಾತ್ರ ನೀಡಲಾಗಿದೆ. ಇದನ್ನು ವೈದ್ಯಕೀಯ ವೃತ್ತಿಪರರ ಸಲಹೆಯ ಮೇರೆಗೆ ಒದಗಿಸಲಾಗಿದೆ. ನಿಮಗೆ ಯಾವುದೇ ಸಂದೇಹಗಳಿದ್ದರೆ ವೈದ್ಯರನ್ನು ಸಂಪರ್ಕಿಸಿ.)

ಹೆಚ್ಚಿನ ಆರೋಗ್ಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ